Қазіргі уақытта қаржылық, ресурстық және ұйымдастырушылық-техникалық шектеулер жағдайында, сондай-ақ негізгі құралдардың тозуы, оның жылдық және технологиялық әртүрлілігі, нормадан тыс жүктеме режиміндегі құбырлардың жұмысы секілді объективті факторлар жиынтығында өнеркәсіптік қауіпсіздік талаптарын қамтамасыз ету кезінде, қауіп-бағдарлы көзқарасқа негізделген техникалық қызмет көрсету және жөндеуге (ТҚжЖ) жұмсалатын шығындарды оңтайландырудың мәселесі өзекті болып отыр.

Бұл тәсіл өнеркәсіптік қауіпсіздік, қоршаған ортаны қорғау және Қазақстан Республикасының басқа да заңнамалық актілері саласындағы заңнаманың соңғы өзгерістерін толығымен көрсетеді.

Жоғарыда көрсетілген міндеттерді шешу үшін «Қазақстан-Қытай құбыры» ЖШС 2015 жылдан бері РОЗЕН компаниясы әзірлеген және Қазақстан Республикасының заңнамасының талаптарына бейімделген ROAIMS бағдарламалық жасақтаманың (БЖ) базасына негізделген мұнай құбырларының тұтастығын басқару жүйесін (ҚТБЖ) енгізуді бастады, ол тікелей өндірістік активтерді пайдалану барысында олардың техникалық жағдайын және тәуекелді - ақаулары бар құбырлардың қалдық қолданысын есептеу, олардың кінәсі бойынша функционалдық бас тартулар мен бұзушылықтардың ықтимал түрлері мен салдарын бағалауға мүмкіндік береді.

Бұл ақпарат алдын-ала қолданылатын іс-шараларды жоспарлау үшін негіз болып табылады, оның уақтылы жүзеге асырылуы апаттық және жоспардан тыс жөндеу санын азайтуға, өнеркәсіптік қауіпсіздікті арттыруға, қоршаған ортаға кері әсердің салдарын, сақтандыру шығындарына және басқа да тәуекелдерді барынша азайтуға мүмкіндік береді.

ҚТБЖ-ның қызмет көрсетуі және әрі қарайғы дамытуы бойынша Серіктестіктің негізгі міндеттері болып табылатындар:

• Деректерді жинау, сақтау және өңдеу жүйесі бар корпоративтік ортаға біріктірілген бірыңғай геоақпараттық кеңістік;
• Бірыңғай әдіснамалық негізде құбырлардың техникалық жай-күйін және тұтастығын басқару бойынша шешімдер қабылдаудың анық механизмі;
• Құбырлардың нақты жағдайынан, пайдалану жағдайынан, қоршаған ортадан, өндірістік жоспарлардан және шектеулерден шыға отыра, ТҚжҚ жоспарлауға тәуекелдік-бағдарланған тәсіл;
• Серіктестікте пайдаланылатын инновациялық технологиялар мен прогрессивті техникалық құралдардың интеграциясы, олардың ROAIMS БЖ-ға және басқа да өнімдерге бейімделуі, қоршаған орта мен инфрақұрылымның тұрақты өзгеріске ұшырауы жағдайында МҚ сенімділігін қамтамасыз ету бойынша Серіктестіктің алдыңғы кезектегі міндеттері үшін ROAIMS БЖ-ның жаңа мүмкіндіктерін пайдалана отырып, ҚТБЖ-ны әрі қарай дамыту.

Results of Implementation and perspectives of development KCP PICS