Саладағы жиырма жыл: кәсіби жолдың тарихы

Мұнай саласындағы әйелдер - жоғары деңгейдегі кәсіпқойлар ғана емес, сонымен қатар шабыт көзі. Олардың қатарында «Қазақстан-Қытай Құбыры» ЖШС-де жиырма жылға жуық жұмыс істеп келе жатқан Лира Шенгелбаева бар. Осы уақыт ішінде ол үлкен кәсіби жолдан өтіп, елдің стратегиялық халықаралық жобаларының бірін дамытуды қамтамасыз ететін команданың құрамына кірді. Лира салалық спартакиадаларға, атап айтқанда үстел теннисінен, белсене қатысып, командалық рухты және спортқа деген қызығушылығын көрсетіп келеді.

#LadyKCP айдарында ол тағдырдың оны мұнай өнеркәсібіне қалай әкелгені, спорт туралы және неге шынайы күш әрқашан ішкі құндылықтардан басталатыны туралы айтады.

Сіз Мұнай-газ саласына қалай келдіңіз? Бұл саналы таңдау болды ма?

2003 жылы, әлі студент болған кезімде, мен «Ел мен әлемдегі жаңалықтар» айдарында ағылшын тілінде материал дайындадым және Қазақстанда Қытайдың қатысуымен мұнай құбырын салу жоспарланып отырғаны туралы жаңалыққа ерекше назар аударғаным айқын есімде. Әрине, халықаралық маман ретінде бұл жоба мен үшін мемлекетаралық жоба ретінде үлкен қызығушылық тудырды. Бірнеше жылдан кейін, 2007 жылы жұмыс орнын таңдағанда, үш компанияның ішінен мен интуитивті түрде ҚҚҚ-ны таңдадым. Сол кезде бұл мен үшін кездейсоқ жағдай сияқты көрінді. Алайда, ештеңе кездейсоқ болмайды. Салалық тәжірибемді шамамен 20 жыл бойы жинаған соң, мен бұл тағдыршешті шешім болғанын түсінемін. Жиырма жыл – өмірдің толық бір кезеңі: мен жинаған үлкен тәжірибе және кәсіби, жеке дамуда бірге өсіп келе жатқан әріптестерім. Мен өмірлік жолымды жас, бірақ қарқынды дамып келе жатқан компаниядан бастағаныма қуаныштымын. Стратегиялық мағынасы Ұлы Жібек жолына тең келетін осындай маңызды жобада қатысқаным үшін бақыттымын.

Сіздің жұмысыңыздағы ең қиын нәрсе не? Не шабыттандырады?

Ең қиыны - маңызды емес немесе ұсақ жұмыс болмайтынын, ақыр соңында кез келген бөлшектің нәтижеге әсер ететінін сезіне отырып, өз іс-әрекетінмен мен шешімдеріңді тексере білу. Сондай-ақ, сапардың басында қаншалықты қиын болып көрінсе де, басталған істі соңына дейін жеткізе білу маңызды. Бұл іс жүзінде кез-келген жұмысқа қатысты.

Ал ең шабыттандыратыны – нәтиже. Сенің, көрінгендей, күнделікті әрекеттеріңнің арқасында компанияның өсіп, дамып, жаңа деңгейге көтерілгенін көргенде, барлық күш-жігер мен уақыттың босқа кетпегенін түсінесің.

Сіздің ойыңызша, мұнай саласындағы әйелдер туралы стереотиптер бар ма?

Менің ойымша, мұнай саласындағы әйелдер жоғары тәртіптілігімен және ішкі өзегімен ерекшеленеді. Бұл сала – тәулік бойы мұнай тасымалы жүретін, өндірістік тәуекелдері жоғары, елдің халықаралық имиджіне әсер ететін сала. Мұндай жұмыс стресске төзімділік пен ұтқырлықтың жоғары деңгейін талап етеді және қалыптастырады.

Табысты болу үшін әйел қандай қасиетке ие болуы керек?

Біліктілік пен тиісті құзыреттілік - бұл негіз. Сондықтан, ең алдымен, өз саласында сауатты маман болу маңызды. Екіншіден, өз ісіне берілген, білімге ұмтылатын, үнемі жаңа нәрселерді үйренуге тырысатын болу керек. Соңында, қаншалықты қарапайым естілсе де, тапсырылған істерге жауапкершілікпен қарау және міндеттерін адал орындау маңызды. Менің дүниетанымымда «табыс – үздіксіз және адал еңбектің нәтижесі».

Бос уақытыңызды қалай өткізгенді жөн көресіз?

Мен белсенді демалысты жөн көремін. Қыста біз әріптестеріммен бірге тауларда әртүрлі бағыттардан өтеміз – бұл тимбилдинг тек команданы нығайтып қана қоймай, денсаулыққа да пайдалы. Интеллектуалды ойындарды ойнағанды ұнатамыз, кейде караокеге барамыз. Жазда ашық ауада бассейнде жүзуге міндетті түрде уақыт табамын. Сондай-ақ үстел теннисіне қызығамын және «ҚазТрансОйл» АҚ салалық спартакиадасының турнирлерінде біздің компанияны таныстырамын.

Спорт сіз үшін - демалыс пе, әлде тәртіп пе? Үстел теннисіне деген қызығушылығыңыз қалай басталды?

Спорт маған көңіл-күйді көтеруге, позитивті энергиямен толтыруға көмектеседі. Ол шоғырлануға, мақсатқа жетуге және жеңілдік пен қуаныш сезімін жоғалтпауға үйретеді. Үстел теннисімен 2017 жылы айналыса бастадым. Сол кезде алғаш рет ракетка ұстап, бұл өте жеңіл әрі ерекше дағдыларды қажет етпейтін спорт түрі деп ойладым. Әрине, қателестім. Бірте-бірте тартылып, техниканы жетілдіріп, ойынға көбірек әуестене бастадым. Үстел теннисі маған тек спорттық қызығушылық сыйлап қана қоймай, шабыттандыратын мысалы арқылы мен үшін биік стандарт қоятын тамаша достар да әкелді.

8 наурыз қарсаңында компанияның әйелдеріне не тілер едіңіз?

Барлық әріптестерімді келе жатқан мерекемен құттықтаймын және көктемгі мерекенің жан мерекесіне айналуын тілеймін. Табиғат жаңарған сайын әрбір әйелдің ең қымбат армандары орындалсын!

Сізді ең жақсы сипаттайтын үш қасиет қандай?

Сұлулықты сүйе білу. Мақсаткерлік. Жауапкершілік.

Сүйікті дәйексөз:
«Бір жылдығын ойлаған ел бидай егеді,
он жылдығын ойлаған ел ағаш егеді,
мәңгілігін ойлаған ел баласының жүрегіне ізгіліктің дәнін егеді».